ಜನ ಚರಿಸದ ದಾರಿ- The Road Not Taken ಪದ್ಯದ ಭಾವಾನುವಾದ

ಜನ ಚರಿಸದ ದಾರಿ
The Road Not Taken ಪದ್ಯದ ಭಾವಾನುವಾದ

ಪಯಣಿಸುತ್ತಲಿ ಕಂಡೆ ಕವಲೊಡೆದ ದಾರಿಯನು
ಪೀತವರ್ಣದ ದಟ್ಟ ಕಾಡ ನಡುವೆ |
ಎರಡರಲು ಒಮ್ಮೆಲೆಯೆ ಚರಿಸಲಾಗದು ಎಂದು
ಯಾವುದದು ಹಿತವೆಂದು ನಾನು ಬಹುವೆ ||
ಚಿಂತಿಸಿದೆ ಕಣ್ಣರಳಿಸೀಕ್ಷಿಸುತ ಎರಡನ್ನು
ಇಣುಕುತಲಿ ಪೊದೆಮುಳ್ಳುರಾಶಿಯಂದು |
ಬಾಗಿ ನೋಡಿದೆ ಮರಳಿ ಕಣ್ಣು ಕಂಡಷ್ಟನ್ನು
ಮಾರ್ಗವೆಲ್ಲಿಗೆ ತಲುಪಿ ನಿಲುವುದೆಂದು ||

ಒಂದರಲಿ ಬಹು ಜನರು ನಡೆನಡೆದು ಪೋದುದನು
ಸವೆದ ನೆಲ-ಹುಲ್ಲುಗಳೆ ಸಾರಿದ್ದವು |
ಮತ್ತೊಂದು ದಾರಿಯದು ನಿರ್ಜನವು ಎಂಬುದನು
ಬೆಳೆದ ಹಸಿಹುಲ್ಲುಗಳೆ ತೋರಿದ್ದವು ||
ಜನ ಹಿಂದೆ ನಡೆದಿಲ್ಲವೆಂದು ತಿಳಿದರು ಕೂಡ
ಆಯ್ದುಕೊಂಡೆನು ಇದನೆ ಕೌತುಕದಲಿ |
’ಮುನ್ನಡೆವೆ ಹೊಸದೊಂದು ಹಾದಿಯಲಿ ಒಂಟಿಯಾ
ಗೆಂ’ಬ ಕೆಚ್ಚಿನ ದಿಟ್ಟ ಭಾವದಲ್ಲಿ ||

’ಜನರ ಮಾರ್ಗದೊಲಾನು ಮತ್ತೊಮ್ಮೆ ಹೋದರಾ-
ಯ್ತಿಂದಿಗಿದೆ ನನಗಿರಲಿ ನೂತ್ನ ಮಾರ್ಗ, |
ನನ್ನದೇ ಮೊದಲ ಹೆಜ್ಜೆಗಳಿರಲಿ ಪಥದೊಳಗೆ’
ಎಂಬ ಹೆಬ್ಬಯಕೆಯಿಂ ಹೊರಟೆನಾಗ ||
ಮುಸುಕಿನಲಿ ಪಯಣಿಸಿದೆ ನಿರ್ಜನದ ಮಾರ್ಗದಲಿ
ಕಲ್ಲುಮುಳ್ಳುಗಳನ್ನು ಎದುರಿಸಂದು |
’ಹೀಗೇಕೆ ಬಂದೆ? ಸರಿಯೋ ತಪ್ಪೋ? ಹಿಂದಿರುಗಿ
ಹೋಗಲೇನ್’ ಎಂಬ ಭಯ ಕಾಡಿತಂದು ||

ಅಂದು ನಾನಾಯ್ದುಕೊಂಡೆನು ಅನ್ಯ ಮಾರ್ಗವನು
ಬೇಡವೆಂದರು ಮನವು ಭಯದಿ ನೊಂದು |
ವರುಷಗಳೆ ಸಂದಿಹವು ಆ ಬಳಿಕ ಎನಗಾದ
ಅನುಭವವ ಪೇಳುವೆನು ಕೇಳಿರಿಂದು ||
ನಾನಂದು ಜೀವನವನನ್ಯಮಾರ್ಗದಿ ನಡೆದೆ
ಇದೆ ಕಾರಣವು ಎಲ್ಲ ನವ್ಯವಿಲ್ಲಿ |
ನನಗು ಮಿಕ್ಕೆಲ್ಲರಿಗು ವ್ಯತ್ಯಾಸವಿದುವೆ ದಿಟ
ಬಾಳ ಸೊಗ ಬೇರೆನ್ನ ವಿಷಯದಲ್ಲಿ ||

source poem in English-
The Road Not Taken
(by Robert Frost (1874–1963)

TWO roads diverged in a yellow wood,
And sorry I could not travel both
And be one traveler, long I stood
And looked down one as far as I could
To where it bent in the undergrowth;

Then took the other, as just as fair,
And having perhaps the better claim,
Because it was grassy and wanted wear;
Though as for that the passing there
Had worn them really about the same,

And both that morning equally lay
In leaves no step had trodden black.
Oh, I kept the first for another day!
Yet knowing how way leads on to way,
I doubted if I should ever come back.

I shall be telling this with a sigh
Somewhere ages and ages hence:
Two roads diverged in a wood, and I—
I took the one less traveled by,
And that has made all the difference.