ಕನ್ನಡಿ (೨೦೦೦) ತಾತ್ವಿಕ ದೃಷ್ಟಿಯಿಂದ
ಸೋಜಿಗದ ಕನ್ನಡಿಗೆ ಬ್ರಹ್ಮವೇ ಉಪಮೆ |
ನಿರ್ವಿಕಲ್ಪದ ತಾನು ಕಲ್ಪಗಳ ಸೀಮೆ ||
ನಿಶ್ಚಲವು ತಾನಿರಲು ತೇಲುತಿಹುದಲ್ಲ |
ತನ್ನೊಳಗೆ ಜೀವನದ ಚಲಚಿತ್ರವೆಲ್ಲ ! ||
ನಗುವರಳುವರ ನಾಚುವರ ಹಿಗ್ಗುವವರ |
ಪರಿಯ ಬಿಂಬಿಸುವ ದಿಟದನುಕರಣಚತುರ ||
ರಸವ ತಾ ಮೀರಿರಲು ನವರಸಗಳೆಲ್ಲ |
ಹಾವಭಾವಗಳಾಗಿ ತೋರುತಿಹುವಲ್ಲ! ||
ಅಂಟಿರುವುದು ಅಂತರಂಗದ ಕನ್ನಡಿಯ ಮೇಲೆ |
ಪ್ರತ್ಯುತ್ತರಅಳಿಸಿಇಂದ್ರಿಯದ ಸ್ಪರ್ಶದಿಂದೆದ್ದ ಜಿನುಗು ||
ನಿರ್ಮಮದ ಬಟ್ಟೆಯಲಿ ಸ್ವಚ್ಚವಾಗಿಸಿ ನಾ |
ಕಂಡೆನು ಮತ್ತೊಮ್ಮೆ ಬೆಳದಿಂಗಳಾ ಹೊಳಪು ||
ಕವಿದಿದೆ ಅಹಂಕಾರದ ಕಪ್ಪು ಧೂಳು |
ಕರ್ತೃತ್ವವನು ಒದರಿ ಒರೆಸಲು ನೋಡಿ ||
ಹೊಳೆಯಿತು ಮತ್ತೊಮ್ಮೆ ಮೊದಲಿದ್ದ ಹಾಗೆ |
ನಡೆಯಿತು ಭಗವಂತನಿಗೆ ಕನ್ನಡಿಯ ಸೇವೆ ||